{ ਤੂ ਠਾਕਰ ਤੁਮ ਪਹਿ ਅਰਦਾਸਿ॥ ਜੀਉ ਪਿੰਡ ਸਭੁ ਤੇਰੀ ਰਾਸਿ॥
ਤੁਮ ਮਾਤ ਪਿਤਾ ਹਮ ਬਾਰਿਕ ਤੇਰੇ॥ ਤੁਮਰੀ ਕ੍ਰਿਪਾ ਮਹਿ ਸੂਖ ਘਨੇਰੇ॥
ਕੋਇ ਨ ਜਾਨੈ ਤੁਮਰਾ ਅੰਤੁ॥ ਊਚੇ ਤੇ ਊਚਾ ਭਗਵੰਤ॥
ਸਗਲ ਸਮਗ੍ਰੀ ਤੁਮਰੈ ਸੂਤ੍ਰਿ ਧਾਰੀ॥ ਤੁਮ ਤੇ ਹੋਇ ਸੁ ਆਗਿਆਕਾਰੀ॥
ਤੁਮਰੀ ਗਤਿ ਮਿਤਿ ਤੁਮ ਹੀ ਜਾਨੀ॥ ਨਾਨਕ ਦਾਸ ਸਦਾ ਕੁਰਬਾਨੀ॥ ੮॥ ੪॥ }

ਤੂੰ ਠਾਕੁਰ ਹੈ ਤੇਰੇ ਅਗੇ ਅਰਦਾਸ ਹੈ ਸਾਰੇ ਜੀਵ ਜੰਤੁ ਤੇਰੀ ਹੀ ਰਚਨਾ ਹੈ ਤੂੰ ਮਾਤਾ ਹੈ ਤੂੰ ਹੀ ਪਿਤਾ ਹੈ ਤੇਰੀ ਕਿਰਪਾ ਹੈ ਮੈਂ ਬਹੁਤ ਖੁਸ਼ ਹਾਂ, ਕੋਈ ਤੇਰਾ ਅੰਤ ਨਹੀ ਜਾਣਦਾ ਤੂੰ ਕਿਤਨਾ ਉਚਾ ਹੈ ਸਾਰੀ ਸਰਿਸ਼ਟੀ ਤੇਰੇ ਇਕ ਭਾਣੇ ਰੂਪੀ ਸੁਤ ਦੇ ਧਾਗੇ ਵਿਚ ਪਰੋਈ ਹੈ, ਤੇਰੀ ਆਗਿਆ ਨਾਲ ਇਹ ਸਾਰੀ ਸਰਿਸ਼ਟੀ ਚੱਲ ਰਹੀ ਹੈ, ਤੂੰ ਕਦ ਕੀ ਕਰ ਦੇਵੇਂ ਤੂੰ ਹੀ ਜਾਣਦਾ ਹੈ ਨਾਨਕ ਦਾਸ ਤੇਰੇ ਤੋਂ ਸਦਾ ਕੁਰਬਾਨ ਹੈ,

ਪਰ ਸਾਡੀ ਅਰਦਾਸ ਮੰਗਨ ਤੋਂ ਸਿਵਾਇ ਹੋਰ ਕੁਝ ਵੀ ਨਹੀ ਹੈ, ਅਸੀਂ ਪੁਤਰ ਦੀ ਅਰਦਾਸ ਕਰਦੇ ਹਾਂ ਅਤੇ ਧੀ ਨੂੰ ਕੁਖ ਅੰਦਰ ਹੀ ਮਾਰ ਦੇਂਦੇ ਹਾਂ, ਅਸੀਂ ਅਰਦਾਸ ਵਿੱਚ ਭਾਣਾ ਮਨੰਨ ਦਾ ਬਲ ਮੰਗਦੇ ਹਾਂ ਅਤੇ ਦਹੇਜ ਨਾ ਲੈ ਕੇ ਆਈ ਨੂਹ ਨੂੰ ਜਿਉਂਦਾ ਸਾੜ ਦੇਂਦੇ ਹਾਂ, ਪਰਮਾਤਮਾ ਦੀ ਬਣਾਈ ਹੋਈ ਸਰਿਸ਼ਟੀ ਦਾ ਨਾਸ ਕਰ ਰਹੇ ਹਾਂ, ਨਸ਼ੇ ਕਰਦੇ ਹਾਂ, ਧਾਰਮਿਕ ਝਗੜੇ ਤਾਂ ਗੁਰੂ ਮਹਾਰਾਜ ਦੀ ਹਜੂਰੀ ਅੰਦਰ ਵੀ ਨਹੀ ਰੁਕਦੇ, ਨਿਕੀ ਜਹੀ ਗੱਲ ਉਤੇ ਅਸੀਂ ਖੂਨ ਖਰਾਬਾ ਕਰਨ ਤੋਂ ਜਰਾ ਵੀ ਨਹੀ ਝਿਜਕਦੇ,

ਆਓ ਸਾਰੇ ਰਲ ਕੇ ਪ੍ਰੇਮ ਨਾਲ ਜੀਵਨ ਜਿਉਣ ਦੀ ਅਰਦਾਸ ਕਰੀਏ ਅਤੇ ਸਮਾਜਿਕ ਬੁਰਾਈਆਂ ਵਰਗੇ ਕੋਹੜ ਨੂੰ ਖਤਮ ਕਰੀਏ ਸਾਂਝਾ ਮਾਰਗ ਨਾਲ ਹਥ ਮਿਲਾਈਏ ਅਤੇ ਸਮਾਜ ਨੂੰ ਨਵੀਂ ਦਿਸ਼ਾ ਦੇਈਏ
ਸਾਂਝਾ ਮਾਰਗ ਦੇ ਨਾਲ ਹਥ ਮਿਲਾਣ ਲਈ ਸੰਪਰਕ ਕਰੋ

ਸਨਿੰਦਰ ਵਿਰਦੀ #9463610989
E-Mail:sanjhamarg@gmail.com
Web: www.sanjhamarg.com

ਸਾਂਝਾ ਮਾਰਗ ਬਾਰੇ ਤੁਹਾਡੀ ਪ੍ਰਤੀਕ੍ਰਿਆ/ਸੁਝਾਅ ਦਾ ਅਸੀ ਸਵਾਗਤ ਕਰਦੇ ਹਾਂ

ਨੋਟ:-- ਸਾਂਝਾ ਮਾਰਗ ਵਿਚ ਛਪਣ ਵਾਲਿਆਂ ਸਾਰੀਆਂ ਰਚਨਾਵਾਂ ਲਿਖਾਰੀ ਲਿਖਦੇ ਹਨ, ਸਾਂਝਾ ਮਾਰਗ ਦਾ ਰਚਨਾਵਾਂ ਨਾਲ ਸਹਿਮਤ ਹੋਣਾ ਜ਼ਰੂਰੀ ਨਹੀਂ। ਹਰ ਲਿਖਤ ਵਿਚ ਪ੍ਰਗਟਾਏ ਵਿਚਾਰਾਂ ਦਾ ਜ਼ਿੰਮੇਵਾਰ ਕੇਵਲ 'ਰਚਨਾ' ਦਾ ਕਰਤਾ ਹੋਵੇਗਾ।